Ka Meghalaya People United Front (MPUF) East Jaiñtia Hills District, hapoh i yahkhmat u President, u Kyrshan Blah, u General Secretary u Aimon Syad wa kiwi ki dkhot da e dorkhat ki ha u Montri ka chnat Transport u Dasakhiat Lamare wow dawa booh ya u Motor Vehicle Inspector (MVI) ha ka yung krehkaam u District Transport Officer, Khliehriat, East Jaiñtia Hills District.
Neiliang u Kyrshan da ong u wa katkam wa man katni la kamwa chi snem tam ym em MVI hapoh kani ka yung krehkaam wei ini da pynjnah ko ya ko ya i kreh iwa ktah ya ki paidbah.
Neiliang u Aimon Syad da ong u wa hadien wa ood ki paidbah yei wym em u MVI, neiliang ka seiñ leh da e dorkhat ko wow dawa ya uni u sahep na u Commissioner of Transport ka chnat ha ka 12-04-2022, tangwa hadooh katni ym em wa mano yeini katwa kamtæ, ynne dei wym yohsa da yachem noh ya u Montri uwa da kular wow chimkhia noh ya ini i kaam.
Chooh chooh da pyntip wa u Daskhiat leh da ong u wa em hok wow em u MVI ha kani ka yung krehkaam hapoh ka District.
