Jowai: Ka Synjuk Waheh Shnong Ri Jaiñtia, Laskein Block Unit da lai yachem ko wa u Director ka Health Service (MI) Meghalaya Shillong, u Dr. Aman War ha kani ka 6 tarik ha yung krehkaam u yow booddien yei dawa thung Doctor ha Laskein CHC West Jaiñtia Hills District.
Neiliang u Lowing Laloo President ka Synjuk, da ong u wa hapoh kani ka CHC da sah sa du ka wi ka Doctor MBBS nadooh i por chwa ka Election MP 2019, wei kani ka CHC ka emkaam ko wow em Doctor chooh kamwa jooh man.
Ha kani ka yahchem, neiliang u DHS u Dr. War, da kular u wow phah Doctor smat smat katwa ye cha kani ka CHC kawa pait ya chiboon tylli ki chnong hapoh ka Laskein Block.
Heiyatoh wa smat ka DHS u chimkhia ya kani ka kaam, ka Synjuk da e khublei ko yeiwa chimkhia u Director neibynta ka yap ka im yong kani ka thaaiñ.
Ya kani ka khubor da phah da u Lowing Laloo, President wa u N. Ting, Secretary Synjuk Waheh Shnong Ri Jaiñtia.
Discussion about this post