Ki ar tylli ki seiñbhalang kitæ ka KSU-Jaiñtia Hills District Unit waka FKJGP-Jaiñtia Hills hajrong i ood ki paidbah yei ku dor ka bai kari ha ri-loom Jaiñtia heiwa i dor kari man ko kawa syad wot hadien wa da chah wow kit bru kamwa jooh.
Kamtæ neiliang ki ar seiñ da lai e ki dei thoh cha u DTO ka West Jaiñtia Hills wow sñiawbha u wow tuklar yei ku dor palat i bai kari iwa da wanrah yei eh yaki paidbah.
Ki seiñ da ong ki wa ym em pyrchah ki yei ku dor i bai kari tangwa toh u em dei sñiawthooh hawa pynku dor, dei wym ktah ya ki paidbah yow yoh yei ya krehlang ki paidbah.
Da ong nachwa i dor kari wa T. 50 da pynku cha T. 100, na ka T. 80 cha ka T. 150, naka T. 100 cha ka T. 200; ini waroh da ktah joor ko ya waroh. Kamtæ da kyntu na u DTO wow chimkhai u ya kani ka kaam.
