Ka seiñ FKJGP East Jaiñtia Hills Unit hapoh i yahkhmat u Deihok Sumer, ynne da lai ki wow yachem wa u Member Secretary ka Meghalaya State Pollution Board wei wow dawa syndon na oo wa toh u pynsangeh ya ka Public Hearing kawa da thmu wow pynman yow wai sa kawi ka karkhana pynmih khyndaw-bilat wa thymme ha East Jaiñtia Hills kawa tip kam ka Meghatop Cement.
Hawa yaklam wa kiwa thoh kuhbor, neiliang u Deihok Sumer da khana u wa kani ka Public Hearing da thmu wow pynman ha ka 18 tarik uni u bnai ha chnong Wahiajer kawa em hapoh ka Elaka Narpuh.
Da pynsñiaw u yei sñiawkhia hawa yatoh wa i poi yong ki karkhana pynmih khyndaw-bilat ha kani ka thaaiñ iwa da booh leh hei maa cha lyndet khamtam i chah pyntngit ka la’ær heiwa kiwa chong chnong da maad ki yei eh hawa yatoh wa ka umbaam umdih nei em kini ki karkhana kiwa da pynjæd ya ka ramaw.
Da ong u leh ini i wan chi wan kini ki karkhana cha kani ka thaaiñ da pynsuba leh boi ye u man wa da em i emkti ki Politician hawa yatoh i kha roi kini ki karkhana ha ki thaaiñ yong ka Elaka Narpuh ya iwa ka seiñ da pyrchah joor ko.
U Deihok da khana u wa hadooh kattæ da em hadooh 8 tylli ki karkhana ha kani ka thaaiñ, heiwa da ngait skem u wa ha kani ka kynti kawa katni, ki waheh chnong wa ki paidbah yong kani ka thaaiñ daw hap ki wow chimkhia yeini wa lada dang e laad bait kamni daw booh ko hei maa ya ka thaaiñ hi waroh kawi.
U Deihok da ong u leh wa ha ka Public Hearing daw em kiwa kyrchaan wa kiwa pyrchah tangwa kam ka seiñ pynsñiaw ko yei pyrchah neibhah ini daw ktah ko ya ka ramaw neibhah du kiwa da em chwa leh hadooh katwon da pynsih ki.
Discussion about this post