Na YouTube ye phi wow yoh chiboon i stat nadooh kiwa sikai ya ki khynnah skur, ka tem ka put, ka chet ka tu wa kiwi de tangwa da jia iwa khyrngiat ha Saran District ka jylla Bihar heiwa uwi u khynnah da khlaad u hadien wa chah pooid u wow sai ya ki moo wa em ha u ksang ha u Doctor thok uwa pynemkaam ya ki Video wa da booh ha YouTube yow tip kammon u pooid.
Uni u Doctor toh u Ajit Kumar Puri katkam wa pyntip u Superintendent of Police, u Kumar Ashish.
Ya uni u khynnah da tip kam u Krishna Kumar (15 snem) wa khut sin kam u Golu uwa na Bhualpur, Saran District.
Kiwa ha-yung da ong ki wa u Golu da khai kjut u la kattu katni por wei ha ka 6 tarik da kit ya oo cha ka Private Clinic ha Dharmabagi Bazar ka Saran.
Mar ya poi ha kani ka Clinic uni u Doctor da pooid u ya oo deiwa pait ya ki Video ha u YouTube wei manda dep, u Golu dang chitom chooh chooh u heiwa da kit noh uni u Doctor ya oo cha ka Hospital wa em ha Patna ha ka 7 tarik tangwa da khlaad noh u ha luti wei da ieh u yei metyap u ha rana kani ka Hospital.
Neiliang ki pulit dang thooh ki ya uni u Doctor thok wei i takit dang lai i chaphrang pyrchah ya ka Clinic kamjooh.
Kiwa ha-yung kini ki khynnah da ong ki wym tip ki wa uni u toh u Doctor thok heiwa nyngkong hadien wa lai booh oo ha kani ka Clinic da sangeh i prai u tangwa uni u Doctor da pooid u oo uni u khynnah khlem da tip ki.
Discussion about this post