U MLA ka Dadenggre, u Rupa M Marak hawa yaklam hajrong ka mang tangka hapoh ka yung dorbar ynne ka sngi, da ong u wa em boon ki kaam wa dang sahteiñ hapoh ka Constituency u kam ka Baljek Jengal Airport kawa dep wai hi-eh tangwa da hiar du ka Me-Gong Festival ha kani ka Airport man-u-snem.
Ka Jengal Oxygen Plant kawa da wai 3 snem nachwa tangwa ym em krehkaam ko, neitæ ka Jengal Farmer’s Market leh ym em wai ka kiwa da man noh kam ki thaw noh jhep katni.
Sa iwi da ong u wa i dawa wow pynku kyrdan ya ka Dadenggre Sub-Division cha ka District neibhah kamwa da yoo wa nachwa lada wai kawi ka District thymme ha Khasi næ Jaiñtia Hills, da wai leh kawi ha Garo Hills.
Da ong u wa ha u 2021 da pynku kyrdan ya ka Mairang cha ka District katwa ka Garo Hills won ym em yoh District thymme ko, kamtæ da dawa u wow pynku kyrdan noh ya ka Dadenggre.
Discussion about this post