Kam chibynta wow bood ya ka hukum ka sorkar jylla kawa da pynmih ha ka 5 tarik uni u bnai yow kdoh u khoom yei poor ka khlam COVID-19 hapoh ka District, neiliang u District Magistrate, West Jaiñtia Hills da pynmih hukum u ynne ka sngi yow pynkrehkaam ya ka Weekend Lockdown nadooh 10:00 waje i miet ka 07-05-21 hadooh 5:00 waje i step ka 10-05-21, yow khang yei lai cha kiwi ki jylla, tangwa ym khang yei lai i wan ki kari wa lai luti cha Assam/Tripura/Manipur/Mizoram.
Ya ki MBOSE Exam wa da booh u pynman haka 6 tarik wa 7 tarik uni u bnai da rah cha ka 11 wa 12 tarik uni u bnai.
Da pynlait won na ka hukum ya kiwa kreh hei chait hei khiah wa kynthup ya kitu kiwa leh tika COVID-19.
Da pynlait leh ya ki wakreh Essential Services kam ka Food Cooperation of India, Electricity, Water Supply, Security, Municipal Services, Fire & Emergency Services, National Informatic Centre wa Telecom Communication Services.
Da pynlait leh ya ki kari wa kit mar, ki wakreh ha ki laad pathai khubor, ki kaam rep, ki kaam MGNREGA ha thaaiñ palatsor.
Da pynlait leh ya ki bru wakreh COVID-19 Duty, ki Pharmacy, kiwa pynpoi ya ki LPG wa ki Petrol Pump.
Ki Pass kiwa da e nachwa ym chah de wow pynemkaam, da pyndam ya ki hapoh kani ka hukum.
Ya kiwa leh pyrchah daw chah daiñ kuna hapoh ka Section 51(b) ka Disaster Management Act, 2005.
