Ka Ministry of Road Transport & Highways (MoRTH) ka sorkar pyrdi da pynmih hukum ko wa ki FASTag da man ki kiwa emkaam ya waroh ki kari wa lai lyngba ki sarokbah heiwa waroh ki Toll Plaza u man ki kam ki “FASTag Lane Fee Plaza” nadooh i pyrdi synyaw ka 15 tarik uni u bnai.
Kamtæ katkam ka NH Fee Rules 2008, kiwon kiwon ki kari kiwa khlem FASTag namo ki kari kiwa ym krehkaam ki FASTag kiwa psiah na ki Toll Plaza u su ki ar chah i dor bai psiah ki kari yong ki.
Ka Ministry da pynche ko wa ya ini da leh wow pynchlur ya i su poisa da ka Digital Mode, wow pynduna ya i por wa yang kamjooh leh i chimpor wow su ya ka poisa wei khnang wa ki kari leh u laibait ki.
Ka Ministry da pynmih hukum ko leh wa waroh ki kari M&N Category toh u em FASTag ki nadooh ka 1 Duyatra (January) 2021.
Ka Category ‘M’ toh ki kari soo chaka wa kit bru wa ki Category ‘N’ won kiwa soo chaka kiwa kit mar wa kiwa kit bru kamjooh.
