Hadien wa ku syndet kiwa yoh ya u COVID-19 ha Khliehriat, East Jaiñtia Hills heiwa da em 19 ngut kiwa dang em ya uni u khñiang hadooh kattæ, neiliang ki bor District da rai ki wow pynman Containment Area ya ka Khliehriat waroh kawi.
Kani ka Containment u sdang ko nadooh mynstep ka 4 tarik heipor 5:00 i step hadooh 6:00 waje i step ka 10 tarik uni u bnai.
Da ong wa kani ka Containment u sdang ko nadooh mynstep toh kam wow elaad ya ki paidbah wow lai yaw ki ynne ka sngi.
Kiwa emkaam ya ki Car Pass ye wow yaleh ha https://megedistrict.gov.in/, lane deiwa thoh cha u DC ka East Jaiñtia Hills.
Waroh ki thaw puræ ha kini ki por u man ki kiwa khang hapoh waroh kawi ka District.
