Nadooh i wan khloh moo ki nong Bangladesh wa i challan masi yaklam ka BSF waka BGB

Shillong: Ka BSF da wanrah ko yaka phang yei tih moo tih chyiap ki nong Bangladesh naka wah Umngot.

U heh ka BSF uwa ym kwah u pynmih pyrtuid da ong u wa ini da jia i hadooh wa ki nong Bangladesh da wan ki hadooh u pood ka India yow sai moo heipor pyrdi synyaw.

Da ong u wa ini i chah sai, chah khloh, cha tih ka wah da pynkylla ko yaka wah wei da em ki bynta ka um ym em de yillu ko kamwa jooh.

Da ong u leh wa ka BSF ym ye ko u leh iyi iyi leh neidaw wa kini ki kaam da jia i cha chilliang u pood ka Bangladesh.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da pyntip u leh wa ya kini ki moo da kit da ki lieñ cha Bangladesh, heiwa da tylliat ya ki yow pynemkaam ha i chna yung lane da pynemkaam hapoh ki karkhana pynmih khyndaw-bilat.

Hawa yaklam wa kiwa pathai khubor hawa kut ka sngi yachem ka SBF waka BGB kawa tip kam ka Inspectors General-Region Commanders Coordination Conference between Border Security Force (BSF) and the Border Guards of Bangladesh (BGB) ha Shillong, u Md Zakir Hossain Additional Director General, Region Commander of the BGB da pyntip wa ka BSF da wanrah ko chaphang ini i tih moo.

U Hossain da pyntip u wa da em ka ya sñiawthooh yumut ha kani ka ya chemlang yow khang ya ini i khloh moo.

“Ka BGB ym chah ko ya iwon iwon i khloh moo wa man pyrchah yaka aiñ,” da ong uni u heh ka BGB.

U Hossain da pyntip u leh ha kani ka yalang da yaklam chaphang ki kaam pyrchah aiñ kiwa jia ha khappood kam i khayi ya i drug YABA kiwa wan na India cha Bangladesh.

Da yaklam leh yei psiah tooh mar chilliang kini ki ar ri.

Ka BSF da wanrah ko leh yaka phang wa em ki thaw rieh ki seiñ kieñ suloi na Northeast hapoh Bangladesh iwa ka BGB da kyntait ko wa ym em kam kitæ.

Da yaklam leh yei challan tooh yaki masi heiwa ki chipai ka BSF manda yoh kem ki yaka masi da hap ki wow sumaar ya ki hadooh wa pynmih hukum naka yung bichaar wow e kti ya ki masi cha ki pulit iwa da ktah yei krehkaam ki BSF.

Ka BSF da pnytip ko wa kattæ da em hadooh 430 tylli ki masi wa hap sumaar ki ha Meghalaya.

Heiyatoh wa ini ka NGO na Delhi kawa tip kam ka Dhyan Foundation da chim ko wow yarap ya ki BSF (ha u pood Indo-Bangladesh) yow sumaar ya ki masi wa da chah kem.

Yow ye u leh ya ini, ka sorkar Meghalaya da booh ki ya i thaw wow pynemkaam chipor wa heh 5 Acre ha Saitsama, West Jaintia Hills District yow booh yaki masi wa kem ka BSF.

Da dep yasoi soskular Memorandum of Understanding (MoU) hapyrdi ka chnat Animal Husbandry and Veterinary, Department waka Dhyan Foundation kawa krehkaam 5 snem nadooh u June 13, 2019 hadooh May 13, 2024.

Ka Dhyan Foundation daw bahkhlieh ko wow pynbiang kari wow kit ya ki masi na ki BSF Post cha ka thaw booh ya ki ha Saitsama deiwa pynlut poisa ki na ki hi.