U Deputy Commissioner ka West Jaiñtia Hills District da pynmih hukum u wow khang yei chna, i pynlang (Stocking), i saam wei wow dai ya ki Plastic wa pynemkaam du chisien donhi wa kynthup ya ki Polystyrene wa Expanded Polystyrene kam ki Thermocol kiwa da pynemkaam yow song baam nadooh ka 01-07-22 iwa man leh kam chibynta wow bood ya ka kyndon wa pynmih da ka Ministry of Environment, Forest and Climate Change katkam ka Plastic Waste Management (Amendment) Rules. 2021
Da khang leh ya ki wiah chkoor (Ear Buds) wa em dieñ Plastic, ki dieñ Plastic wa em ha ki Balloon, ki lama Plastic, ki switmit wa em yuksoh Plastic, ki Ice Cream Sticks, Polystyrene (Thermocol) wa pynemkaam yow pynriam.
Da khang leh ya ki tiar Plastic kam ki khuri, ki pliang, ki klat, ki proh, siang, ki Straw, ki Tray Wrapping wa song da ki Plastic lane ki Packing Films hawa song ya ki baam wa thiang, ki Invitation Card, ki yusong sikret wa ki Plastic lane PVC Banner kiwa hapoh 100 Micron wa ki yukiñ (Stirrers).
U Deputy Commissioner da phah u ya ka Chief Executive Officer, Jowai Municipal Board, u Inspector of Supply wa waroh ki Block Development Officers yow lai pynsñiawthooh paidbah ki yeini kamjooh leh i ktah ki Plastic ya ki soodong sookun.
U Deputy Commissioner da kyrpaad u leh ya ki paidbah wow dam noh u pynemkaam ya ki Plastic wa pynemkaam du chisien donhi wei wow ya krehlang wa kiwa pynlai District.
Kani ka hukum da pynkupbor ko ya waroh ki sahep sorkar wow lai sylli, lai kem wei wow khang yei dai wei pynemkaam Plastic ha poh ka District.
