Ka Mutong Tourism Promotion and Environment Protection Society (MTPEPS) hadien wa ka sorkar da chah ko ya kiwa wan uiñke suwari kamtæ ka seiñ u sdang wai biang ko ya ka Kchaaid Moopun.
Ya kani ka kchaaid u wai nadooh ka 12 tarik uni u bnai hadien wa yohbor na u DC ka East Jaiñtia Hills District.
Kamtæ da kyrpaad ya kiwa wanke wow sñiawbha ki wow bood ya ki kyndon wa da booh ka sorkar deiwa sap mask wow jngai iwi na iwi wa kiwi ki kyndon ka sorkar.
Kani man ko ka Wyrta na u H. Phawa uwa man kam u President ka MTPEPS.
