Nadooh ka 13 tarik u khang ka JACIPER ya ki truck ki baar jylla ki wym biang kot

Jowai: Ka Joint Action Committee on Indigenous People Economic Right (JACIPER) ynne ka 9 tarik u Khonchonglad da pynman ki yaka yalang paidbah ha 7mer West Jaiñtia Hills District wow yaklam hajrong ki katu katni ki mat dawa wa dadep rai ki haka yalang wa dadep man ha 2 tarik uni u bnai itæ kynthup i thoh dawa na ki Karkhana Cement wa toh u khang noh ki waroh ki truck baar jylla wym em ki kot ki sla wa biang u kit mar ki na kini ki karkhana wa em ha thaiñ East Jaiñtia Hills District, wei hei yatoh u pynku yaka bai kit katkam wada booh da ka sorkar.

Ka seiñ da dep thoh ko cha pyn ar ki District Council kiwa kynthup ya ka KHADC wa ka JHADC wow khang u e Trading License noh ya ki baar jylla kamjooh ki NOC wow leh ki ya iwa emkaam hei yatoh wa ini u kut i booh por ha kani ka 10 tarik.

Ha ka yalang wa pynman ynne ka sngi da pyllai da u President ka Joint Action Committee on Indigenous People Economic Right (JACIPER) Meghalaya Shillong, u Handle Mukhim wei da yoh yaka bui (report) yong ka yalang wa dadep na u Ohibait Dkhar General Secretary ka Joint Action Committee on Indigenous People Economic Right ( JACIPER), hei emlang ki dkhot ka All Jaiñtia  Truck Owners Association, ka All Jaiñtia Clinker Truck Owner Association nalor ki seiñbhalang waphær waphær wa ki paidbah.

I daw wa mih ki chakhmat u dawa yeini toh wa ong ki ini da ktah bha i yei khih i khan ki jaitbru tre jylla neidaw wa da wan yaknieh ki truck wa na baar nalor wa katkam ka Motor Vehicle Act 1989 Para 62 da batai che ko wa ki kari wa na baar ym ye ki u khih næ u kit mar wei u noh leh pyn hajooh ka jylla.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Hadien wa ki paidbah da yachim bynta ki hei ya e yumut da chim yaka rai wa khaddooh wa lada ini i dawa ym mihsoh i, nadooh ka 13 tarik uni u bnai nadooh i por 10.00 i step u khang noh ki ya ki kari baar jylla ki wym biang ki kot ki sla u kit khyndaw bilat, clinker ki, wei  heijooh i por da ki rai leh wow pynman da ka Peaceful Protest wa jai jai ha ka 13 tarik deiwa rah Placard wa ki lama yong  kam ka dak wow pyrchah yeini wei ym ktah ko ya ka lai ka wan ki kari.

Heijooh i por kani ka Joint Action Committee da khut lang ko ya kiwi won ki señbhalang wow yakrehlang ki neibynta ki paidbah, kamjooh leh ki tre kari dei wow ya mih ryntih nadooh i por 10.00 waje i step na i jooh i thaw ha 7th Mile West Jaiñtia Hills.

Ka Committee da ban joor ko leh wa kiwon kiwon ki tre kari wym ye u wan cha katai ka Peaceful Protest u chim ko yei pyrtuid yong ki wei ka Committee ym ye ko u bahkhlieh nei bynta i eh i khoo yong ki.