Ka sorkar Meghalaya lyngba ka chnat Education da pynmih hukum ko heiyatoh wa ka sngi wow sdang ki skur ha uni u snem 2024 wei da hap ki wow bood yeini thij khlem pep lym kamtæ daw chah pynchitom ki bor wa pynlai skur.
Da booh wa ha uni u snem ki skur toh u sdang ki nadooh ka 15-02-24 katwa ki tarik wa pynman Exam (Half Yearly wa Final) u jied da ki skur hi.
Neibynta ki Pre-Primary toh u kut u snem puræ haka 29-11-24 katwa kiwa Class-I hadooh hadooh Class-XII toh u kut haka 20-12-24.
Ka chuti tlang toh u sdang ka nadooh ka 21-12-24 hadooh ka 09-01-25.
Katkam ka aiñ RTE, 2009 ki khynnah Class-1 hadooh Class-5 toh u lai skur ki 200 sngi, ki Class-6 hadooh Class-8 won 220 sngi. I chong hapoh kamra skur yow chah sikai neibynta ki Class-1 hadooh Class-5 toh 800 kynta katwa kiwa nadooh Class-6 hadooh Class-8 won 1,000 kynta.
I por man skur ya ki Government Lower Primary School tooh 9:00 waje i step hadooh 1:00 waje i sngi (soo kynta). Neibynta ki Government Upper Primary School won 9:00 waje i step hadooh 2:00 waje i sngi (san kynta). Neibynta ki Government Secondary School won 9:00 waje i step hadooh 3:00 waje i sng (ynru kynta). Neibynta ki Government Higher Secondary School won nadooh 9:000 waje i step hadooh 4:00 waje i janmiet (ynñiaw kynta).
Waroh ki skur hawa pynman ki yaka yalang namo ka School Assembly Session chwa u sdang skur toh u pynlai yeini da ki khynnah skur yow pliah ki u klam deiwa e laad u klam ki chaphang kiwa boon ki phang.
Waroh ki skur hap ki wow jied 10 sngi ha ka chi snem yow pynman kam ka sngi wym emkaam u rah muna skur (Bagless Days) neibynta ki Class-6 hadooh Class-12. Wei ha kini ki sngi ye ki wow leh ya kiwa boon ki kaam nadooh ka tem ka put, ka pynkhooid skur, ki yalehke Sports wa kiwi kiwi de.
Discussion about this post