Nadooh ka 17 tarik u krehkaam ka Model Code of Conduct

Shillong: Heiyatoh waka Election chiteiñ samoi cha ka Khasi Hills Autonomous District Council

na 26-Langrin District Council Constituency, ka sorkar neiliang u Deputy Secretary ka sorkar Meghalaya, District Council Affairs Department da pyntip u wa da booh ya ki kyndon wa hap wow bood ki kyrtong kamjooh leh ya ki Party.

U Deputy Commissioner & Returning Officer daw pynbait ki ya katwon tylli ki kari kiwa ye u pynemkaam ki kyrtong, i ebor wow pynemkaam ya ki tanghæng wa kiwi kiwi deiwa leh katkam i thong ka Election Commissioner of India’s Model Code of Conduct (MCC).

Ym chah u pynlait poisa thymme hapoh ki MLA wa MP Local Area Development Fund (Central wa State Scheme) da kawon kawon ka chnat hadooh wa kut ka Election. Ym toh u sdang kreh yaki Work Order kiwa da dep e chwa tangwa ym pu em sdang hadooh katni. Ye wow sdang ya kini ki kreh du hadien wa kut ka Election wei lada i kreh toh iwa da sdang chwa, ye u pteiñ ya ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki yalang booh mooyurim, ki pynbna ya kiwon kiwon ki Scheme thymme hapoh ka State Plan ha 26-Langrin District Council Constituency toh u leh du hadien wa kut ka Election. I pynbna ya kiwon kiwon ki Scheme thymme ki wow pynkrehkaam daka KHADC, i e Contract, i pynbait kaam wa kiwon kiwon Party toh u leh hadien wa kut ka Election.

Kini ki kyndon waroh toh kiwa krehkaam du hapoh ki thaw wa haap hapoh ka 26-Langrin District Council Constituency wei ym toh hapoh waroh kawi ka District.

Da khang leh wow pynemkaam ya ki kari sorkar kiwa da e cha ki CEM/EM/Chairman wa kiwi de hapoh ka KHADC da ki kyrtong wa yaleh Election ha ki por Election.

Da khang leh wow rah poisa palat T. 50,000 da ki kyrtong kamjooh kiwa kyrchaan ya ki, wei lada chem daw kem ya kani ka poisa.

Kani ka hukum u krehkaam ko nadooh ka 17-02-2020.