Jowai: Ka Khasi Students’ Union (KSU) lyngba ka khubor wa phah ko da pynbna wa daw kynjoh ko ya ka lyngkhooh snem wa 40 nadooh wa seiñ ya ka ha ka ha ka 20 Wisu 1978.
Wow lehkmen yei dap 40 snem iwa khlem chongngiah ka KSU daw pynman ko ya ki program wa ha rukom ka wow sdang nadooh ka 20 tarik uni u bnai ya ka wow pynhiar pyrda ha ka 20 Wisu 2019.
Ha ka 20 tarik uni u bnai daw pynman ya i lai paidbah nadooh na yungkrehkaam ka seiñ kawa em ha Jaiaw Chapel Road hadooh ka Soso Tham Auditorium ha State Central Library.
Hapyri ini i lai paidbah daw sæh ya ki lama ka seiñ ha u mot sahnaam ka seiñ wa em ha Lachaumiere.
Ha Soso Tham Auditorium won ka seiñ daw pynman yalang ko kam ka dak wow burom ya ki dkhot warim yong ka waroh chi kattu.
Kamtæ ka seiñ da khut ko ya waroh ki dkhot warim ka seiñ cha ka sngi sdang ha ka 20 tarik heipor 12:00 waje i sngi na yung krehkaam ka seiñ.
Discussion about this post