Shillong: Ka sorkar jylla ynne ka sngi da rai ko wow chah u wai noh ya ki Restaurant, ki Salon wa Beauty Parlour nadooh ka 22 tarik uni u bnai, tangwa yaki Restaurant kiwa em ha waroh ki sarokbah næ National Highway won ympu chah u wai ya ki.
U Symbood Montri Rangbah ka jylla, u Prestone Tynsong da ong u wa ka sorkar da chim ko ya ini i rai hadien wa phyllu wa janai, wa ki dukan kiwa da mynjur wow elaad wow wai noh ki deiwa bood ya ki kyndon i chait i khiah wei katni ka chnat da sdang ko wow pynkhreh ya ki Standard Operating Procedure (SOP).
Heiyatoh wa ki skur won u Montri da pyntip u wa ka sorkar ympu chim ko ya iwon iwon i rai.
