Shillong: Kiwa pynmih ya ka Film Pnar wa tip kam ka Thong Iong Nga ha ka yachem lang wa kiwa pathai khubor da pynbna ki daw sdang pynyoo paidbah ya ka Thonh Iong Nga nadooh kani ka 24 tarik.
Ha i yaklam wa kiwa pathai khubor heiwa da emlang leh ki dkhot ka Meghalaya Film Makers Association MeFILMA da pynsñiaw ki yei sñiawkhia wa leh chilliang ka sorkar u Dr. Mukul Sangma heiwa chwa wow pynman ya ka tamasa Panorama Film Festival da khut ya waroh kiwa chna Film yow chna ki ya ka Draft Policy hei yatoh wa emkaam ki wa chna Film tangwa hadien wa kut ka Panorama kani ka Draft da poi hi eh ko cha thaw noh jhep.
Hei yatoh won wa e u Dr. Mukul T. 2 Klur cha ka Film Bollywood wa tip kam ka Rock On 2, ka Simi Kongthiang wa man kam ka Director ka Thong Iong Nga da ong ko ki Film wa pynmih napoh jylla leh yarap hi ko wow pynku ya ka Tourism lynga ki Youtube wa kiwi ki Social Media heiwa kiwa boon wa em cha baar jylla leh yoh ki u yoo yei miat ka jylla yong i.
Da ong ko hanlada kattæ leh ym em dooh mynsien kiwa chna Film wei kiwa emkti lang ha ka Thong Iong Nga da paan kyrchaan ki na ki paidbah wow wan pait ya kani ka Film ka wow sdang u pynyoo paidbah ha kani ka 24 tarik ha Bijou Cinema Hall ka wow pynyoo 4 sien chi sngi heipor 11 waje i step, 2 waje i sngi, 5 waje i janmiet wa 8 waje i miet.
I dor ticket man ki T. 100, T. 80 wa T. 60.
Discussion about this post