Ka Dorbar Chnong Lumchyrmit, East Jaiñtia Hills District da pynbna paidbah ko wa daw wai biang ya ki thaw uiñke suwari wa em hapoh u pood ka chnong kiwa kynthup ya ka Kchaaid Latang, ka Kremlabit wa ka Kchaaid Thwai Thlen.
Ya kini ki thaw da khang la kamwa le bnai neidaw wa dang chna pynmiat ya u sarok wow poi cha kini ki thaw wow pynsuk ya ki paidbah wa wanke.
Kamtæ ya kini ki thaw uiñke u wai biang nadooh ka 25 tarik uni u bnai.
Neiliang ka Society wa ka Dorbar Chnong Lumchyrmit da pdiang sñiawbha ko ya ki bru wa kwah wow wanke cha kini ki thaw nadooh ka 25 tarik.
Kani toh katkam ka Wyrta na ka Society (I.V.C.S) Integrated Village Co-Operative Society ryngkat wa ka Dorbar Chnong Lumchyrmit.
