Ka skurbah Jamia Millia Islamia , New Delhi da booh ko wow sdang krehkaam biang ko ha ka 6 tarik uni u bnai hadien ka chuti tlang khnang wow sdang ki Exam Semester.
Kam wow pynkynmoo heini kani ka skurbah da sangeh i krehkaam ko ha ka 16 Kmaichonglad hadien wa joor i yakhih pyrchah ya ka Citizenship (Amendment) Act heiwa da haap wow pyndam ya ki Exam hadooh wa kut ka chuti tlang.
Katkam ka wyrta na kani ka skurbah, ki Exam Semester u sdang ki nadooh ka 9 tarik uni u bnai neibynta ki Post-Graduate Course katwa yong ki Undergraduate won nadooh ka 16 tarik.
Da kyntu ya ki khynnah wa yaleh ya ka Odd-Semester Exam wow wan cha ka skurbah katkam ki sngi wa da booh ha ka Website kani ka skurbah.
Da kyntu leh ya ki khynnah puræ wow pait ya ka Website ka skurbah dei langær wow yoh ya ki yutip wa bniah wei kiwa tikna.
Chooh chooh ki khynnah ye ki leh u Phone ha ka ‘Jamia Help Desk’ Number 011-26981717 wa ki Extension 1408 wa 7647989611 hapyrdi 10:00 i step hadooh 5.00 i janmiet.
Heiyatoh wa kiwa mynsoo joor ha i yakhih da pynkhreh ya ki deiwi tawon wei ya ki Semester wow pteiñ won daw pynbna lyngba ka Website.
Discussion about this post