Ka Mawlai SC kawa man leh kam ka Defending Champion da yoh ko hei wa ar hadien wa kut ki yalehke chwa wow sdang noh ka Semi Final ka Shillong Premier League 2023 deiwa jop da 6-1 yaka Nangkiew Irat SC ha ka yalehke wa da pynman ha SSA Stadium, First Ground, Polo ynnin ka sngi.
Ka Nangkiew Irat da yoh ko wow thap nyngkong da u Felix Lalruatsanga (7’) katwa yaka Mawlai da thap da u Fullmoon Mukhim (29’P), u Romarius Laban (36’), u Kevin Rymbai (65’), u Donlad Diengdoh (68’), u Pynbha Suting (73’) wa u Mark G Shabong (87’).
Kani man ko leh ka yalehke wa khaddooh ka League Stage yong kani ka Tournament, heiwa ka Mawlai da pynkut ko deiwa yoh 16 Point yow em hadien ka Rangdajied United FC kawa em 18 Point. Ka Shillong Lajong FC da em ko hei wa le wei da bood da ka Langsning FC heiwa soo kiwa em mar 15 Point tangwa da em ka Lajong hakhmat deiwa dep pynrem yaka Langsning.
Ki Semi Final toh kiwa daw sdang nadooh ka 7 tarik uni u bnai heiwa ka Rangdajied daw yachem ko waka Lajong katwa ka Mawlai daw yachem ko waka Langsning haka 8 tarik kiwa daw pynman heipor 3:15 waroh ar tylli ha SSA Stadium.
Neidaw wa sdang slem ya kani ka samoi ka SPL 2023 da hap wow pyntbian ka wei ym em leh ki liang wa daw chah pynhiar kyrdan iwa mut ka Nongthymmai waka Nangkiew Irat u neh ki wei da ini haka SPL 2024 daw em 10 tylli ki liang hadien ku kyrdan ar tylli ki liang.
I daw wa slem u sdang yaka SPL 2023 kawa toh u sdang ynnin u snem, toh neidaw wa slem u pynchna wei wow siang Artificial Turf yaka madan.
Discussion about this post