Kam chibynta wow pynkrehkaam ya ka hukum wow khang noh yei pynemkaam ya ki Plastic wei wow bood ya ka hukum u DC ka West Jaiñtia Hills District wa da pynmih ha ka 15-06-22 katkam ka aiñ Plastic Waste Management (Amendment) Rules, 2021.
Neiliang ka SDO (C) ka Amlarem Sub-Division da pynbna ko yei pyrtuid ki sahep kiwa da e bor wow lai kynreh ya ki dukan kamjooh ki yaw ki haat yow khang noh yei pynemkaam ya ki Plastic wa pynemkaam du chisien donhi kiwa man kamni ha wah:
Ha ka 8 tarik uni u bnai, ka Zaryne Kharkongor, Sub-Inspector Supply Amlarem Sub-Division deilang wa u Gameliel Lambert Chyne Mylliem, MCS, EAC, Amlarem Sub-Division daw lai kynreh, lai sylli ki ha Dawki wa Bakur.
Ha ka 11 tarik uni u bnai, u Rudolf Eustace Laloo, Sub-Inspector Supply, Amlarem Sub-Division wa u Gameliel Lambert Chyne Mylliem, MCS, EAC, Amlarem Sub-Division daw lai kynreh, lai sylli ki ha Amlarem, Jarain wa Shkentalang.
Ha ka 12 tarik uni u bnai, u Nangkyntiewbor Jungai, Sub-Inspector Supply, Amlarem Sub Division wa u Gameliel Lambert Chyne Mylliem, MCS, EAC ka Amlarem Sub-Division daw lai kynreh, lai sylli ki ha Muktapur.
Kam wow pynkynmoo wa ha waroh kawi ka ri India da khang wow pynemkaam Plastic kiwa pynemkaam chisien donhi nadooh ka 1 tarik uni u bnai.
Puræ leh: Daw lai kynreh ki Magistrate yow pynkrehkaam yei khang pynemkaam Plastic
