Ka 97 Battalion ki chipai ka Border Security Force (BSF), ynne ka sngi da pynman ki yaka Civic Action Programme yow e yarap cha ki chnong wa em ha khappood wa kynthup ya ka chnong Huroi, Hingaria, Borsora, Lejri, Lailong, Kuliang, Umkiang wa Ratacherra heiwa da wan embynta kamwa 500 ngut na kini ki chnong.
Ha kani ka sngi yaka yalang da pynman ha Huroi deiwa emlang u Hardeep Singh, IG BSF FTR HQ BSF Meghalaya deilang wa u HS Rawat, Commandant, 97 Bn BSF ka Huroi BOP.
Kam ki dak yarap da saam yaki kor soor that cha ki kynthai yow ye ki u seiñ khih, cha kiwa pyndep yei chah sikai wow pynemkaam Computer da saam yaki Certificate deiwa e leh yaki Printer wa ki tadong sia Printer.
Da saam leh yaki kor ah phlang, wei neidaw wa kini ki thaw khappood ym em ki yaka bordiñ, da saam leh da ki kor pynmih bordiñ (Generator) waki Solar Lights.
Da pynman leh yaka pynsñiawthooh hajrong i chait i khiah neibynta ki kynthai wei da saam leh yaki Sanitary Pad wa kiwi ki jait wa emkaam ki kynthai.
Da e leh daki Face Mask, Sanitizer wa i sabon yow yarap ha wow leh pyrchah yaka khlam.
Cha kiwa tlot i bor khmat da e yarap da ki yit khmat kiwa da dep wow jied chwa lyngba ka ENT Camp kawa pynman haka 8 tarik uni u bnai ha Borsora wa ha Umkiang katwa cha ki wakreh Asha da e da ki First Aid Kit.
Da e yarap leh da ki thaw pynlang um, ki Pipe um wa ki Rain Coat cha ki khynnah skur.
Neiliang kiwa chong chnong da pynsñiaw ki yei sñiawngooh yaka BSF yeini i e sñiawbha ha kini ki por wa emkaam heiwa neilang ki khynnah kini ki chnong da pdiang sñiawbha ki yaki heh ki BSF katwa kiwa heh da pynyoo ki yei sap siat suloi ki deiwa pynemkaam da ki Air Gun heiwa ya kiwa jop da e khusnaam yaki.
U Hardeep Singh neiliang yong oo da e u yaki kyntien pynchlur deiwa pynkynmoo leh wa ki chipai ka BSF em ki neibynta ki paidbah ha iwon iwon i por wa emkaam yarap ki wei daw pteiñ chooh chooh ya kini ki kaam yarap ha ki por wow wan.
