Nadooh ki thaw sumaar hadooh ka Swimming Pool paan yarap poisa u Hek na u Dr. Jitendra Singh

Jowai: U montri ka Health and Family Welfare, Meghalaya u AL Hek da yachem u wa u Dr. Jitendra Singh ha Raj Bhavan ynnin ka sngi yow yaklam ya ki kaam wa emkaam u pynbiang wei da e khublei u leh ya u Union Minister of State yei kyrchaan u lyngba ka Ministry of DoNER waka Prime Minister’s Office.

U Hek da pynsñiaw u leh yei sñiawngooh ya u Dr. Singh wa da pyllait u yaka poisa wa sah yow pyndep chna yaka Shillong Civil Hospital Cancer Wing kawa man ka yarap wa khroo ya ki paaid ka Meghalaya.

Ha i jooh i por da yaklam leh ya kiwi ki Project ki wow sdang hapoh ka jylla.

Da yaklam leh ya ki kyndon ka National Green Tribunal yei emkaam ki Hospital ya ka Waste Management and Disposal System yow yabhah ya ki jakhlia wow pynkhooid ya i ma na ki tiar ki tar (Biomedical Waste) chwa wow noh ya ki. Kamtæ u Hek da paan yarap u wow yoh ya kini ka wow yarap leh kamjooh wow pynduna yei boon i jhep ha sor Shillong wa hapoh ka jylla hi waroh kawi.

Related posts

Kam u kyrtong samen u yakhun MDC u George Lyngdoh

January 19, 2025

Pynbna u Kyrchan Dkhar wow yakhun Election na ka 21-Tuber Wapung Shnong Constituency

January 18, 2025

Da yaklam leh chaphang ka Shillong Golf Course kawa man kawi na ki thaw kawa pawnaam kawa pynyoo leh ya i maya ka jylla yalehke Sport. Kamtæ kamwa pynkhreh ka jylla u pynman yaka National Games ha u 2022, u Hek da kyrpaad u wa lada ye u pynneh, u yada yaka Shillong Golf Course kam chibynta ka National Games.

U Hek da ong u wa emkaam leh yaka Diagnostic Centre ha Shillong wa Tura kiwa man katkam ka juk wa katni. T. 20 Klur da pyllait yow thied ya ki tiar ki tar wa bha wa miat dooh neibynta ka Diagnostic Centre ha Shillong hapoh ka NESIDS Scheme of Ministry ka DoNER neibynta u snem 2018-19. Neiliang u Hek da paan poisa chooh chooh u neibynta wow chna sa ya ka yung kani ka thaw sumaar wa emkaam sa kamwa T. 6.5 Klur.

Kiwi de ki Project kiwa da yaklam toh wow booh yaka Botanical Garden waka Children’s Park ki wow chim kabu ya iwa da man chwa ka Shillong kawa ka-it kiwa uiñke suwari yow taan chooh ya kiwa uiñke suwari ki wow man leh kam ki thaw thymme wow laike kiwan chapoh ka jylla kam chibynta ka National Games.

Da kyrpaad leh ya u Union Minister wow chna yaka Indoor Stadium wa Swimming Pool ha Pynthorumkhrah, Shillong kawa man leh kam chibynta ka National Games.

Neiliang u Dr. Jitendra Singh da kular u wa daw pait u ya waroh kini ki kaam kiwa da e u Hek hei dur ka chithi.