Ynne ka sngi ka Synjuk Waheh Chnong Jowai, da yachem ko ya u EM ka District Council wa pait ya ka chnat Yaw, u Evening Teron hajrong wa lang i jhep ha ka Iawthymme wa da neh da ki tayaw lynter kattu.
Ha ini i yachem da kyntu ya u EM wa ka JHADC wow pynkhooid noh ya ini i jhep neibhah ka Iawthymme toh ka yong ka JHADC wei wa ki Dorbar Chnong da ujor teiñ ki yeini.
Neiliang u Alan Niangty uwa man u President ka Synjuk da pyntip u wa kamwa da rai ha kini ki sngi wa dadep wow khang ya ki yaw ha Jowai lada ym pynkhooid ya i jhep kamtæ ha Iawmusiang da khat lut ya i jhep wa sah lait noh ha Iawthymme.
Da pyntip u wa neiliangka Synjuk da rai ko wow khang noh ya ka Iawthymme nadooh mynstep ka 8 tarik kat hadooh wa da kyrriah lut ya i jhep na kani ka yaw.
Da ong u leh wa ya ini da leh neibynta i bha i miat wa i myntoi ki paidbah wa chong wa sah hajan kani ka thaw.
