Nadooh mynstep u sdang ya ka Intensified Mission Indradhanush hapoh jylla wa ka ri waroh kawi

Shillong: Ka jylla waka ri waroh kawi u sdang ki ya ka Intensified Mission Indradhanush kawa thmu wow e dawai e inject tika (Vaccination) ya ki khynnah yow yada ya ki na ki kjut wa boon jait kamjooh leh ya ki manbei wa dang punkhon ki wym jooh em yoh Vaccination/Immunisation.

Ya ini u sdang nadooh mynstep ka sngi deiwa pynman ya ka yalang ha Ganesh Das Government Maternal and Child Health Hospital, Shillong.

Ya kani ka Intensified Mission Indradhanush u leh ya ka ha East Khasi Hills, East Jaiñtia Hills, West Jaiñtia Hills, South West Khasi Hills, North Garo Hills, West Garo Hills, South West Garo Hills wa ki bynta sor ka West Khasi Hills District.

Ka National Health Mission wa ka tnat i chait i khiah ka jylla da kyntu ko ya ki manbei manpa kiwa em khon wa dang hapoh 2 snem kamjooh ki manbei wa punkhon ki wym pu em yoh Vaccination wow wan ki cha khmat wow yohmyntoi ki na kani ka kabu.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Yow yoh ya i batai wa bniah ye u yachem wa ki ANM/AWW/ASHA wa em ha ka chnong ka thaw kamjooh ki Health Center.

Kani ka Intensified Mission Indrahanush toh ka wow pteiñ 4 bnai lynter deiwa pynman ya ka 7 sngi ha ka chibnai nadooh ka 7 tarik u uwi pa uwi u bnai lait ha ki sngi Bibar wa ki sngi chuti.

Hapoh ki jylla ka thaiñ North East daw pynman ya ka ha ki 52 tylli ki district ki wow pynkrehkaam ya ka Intensified Mission Indradhanush.

Ha ka jylla Meghalaya dang boon ki chnong wa ym bien u leh ya kani ka Vaccination neidaw wa boon i daw hadooh wa boon ki khynnah da yap ki na ki kjut wa ye ka Vaccination u yada.