Nadooh u 2023 mih i tyrwa ka DCA wow pynku na 25% cha 40% i bhah ki ADC tangwa dang sahteiñ

I duna poisa ki Autonomous District Council (ADC) ka jylla khamtam ka JHADC da ktah bha i yei rukom krehkaam yong ka wei ini da wanrah i yei sahkut ka tulop kiwa kreh da ki boon bnai.

Hei yoh u yaklam wa ki heh warim ka JHADC da ong ki wa nadooh ki snem wa dadep da dawa wow pynku yei bhah i yoh poisa ko neibhah wa ka JHADC man ko kawi na ki yung krehkaam wa yarap chiboon ya ka sorkar jylla ha ka dan.

Kam wow kdaw heini ki ADC toh kiwa chaniah yei yoh bhah na ka dan wa yoh ka sorkar khamtam na ki mar pohkhyndaw.

Ha u 1995 ka sorkar jylla da pynhiar ko ya ka bhah ki ADC na ka 60% cha ka 25% donhi wei ini da wanrah i yei tkhoh hei krehkaam ki Council khamtam ka JHADC.

Related posts

Wa kwah ya ka roi ka paar psiah u Ronnie cha ka NPP

July 30, 2025

Khlem wa pynbor ya u Ronnie wow psiah cha ka NPP, pynsñiaw u Sniawbhalang yei kmen

July 30, 2025

Katkam wa yaklam wa ki heh warim ka JHADC da ong ki wa dei langær da jooh thoh cha ka sorkar jylla wow pynku ya ka bhah yong ka tangwa man i i kaam wa sahkut da slem ha ka sorkar.

Neiliang ka JHADC da thoh ko boonsien hajrong ini deiwa kyrpaad wow pynku ya ka bhah na ka 25% cha ka 40% wei ini leh da man iwa sahteiñ.

Tangwa katkam ka chithi wa da yoh u Wyrta wow yoo wa mih na ka District Council Affairs (DCA) yong u snem 2023 wa da thoh ko ha ka 23-08-23 cha ka Mining and Geology Department ka jylla hajrong ini da tyrwa wow pynku noh ya ka bhah ki ADC na ka 25% cha ka 40% neibynta u mooyong.

Katkam wa da tip tikna, neiliang ka JHADC ha u snem wa dadep da thoh ko cha ka chnat Mining and Geology wow pynkrehkaam noh ya i tyrwa ka chithi ka DCA wei da yoh jubab wa yeini da phah cha ka chnat Finance ka jylla wow yoh yei mynjur.

Hajrong kini kiyi kiyi, ki heh warim ka JHADC da ong ki wa man iwa suk bha wa ka chnat Finance u pdiang ko yeiwa da tyrwa ha kani ka chithi wa da thoh ka DCA wei deiwa leh yeini daw pynsuk i yei rukom krehkaam ka JHADC ha ki por wa ki snem wow wan.