Ka seiñ FKJGP-Khliehriat Circle da e yaroh ko ya ka chnong Wapungskur yei stat nadooh kiwa yahkhmat chnong wa kiwa chong chnong wow chim yei rai wow kyntait ya ka OM OM Coke.
Ka seiñ da beiñ ko ya u waheh chnong ka Mookhep yei rai samen yong oo wow e NOC ya ka OM OM Coke, wei ka seiñ da yoo ko leh yei mih roi ki dukan dai kiad pyrchah ya ka aiñ deilang leh kiwa em License hapoh ka chnong Mookhep wei ini da booh ko hei maa ya ki khynroo ka thaaiñ.
Da beiñ joor ko leh ya u Dolloi ka Elaka Jowai wa ya ka JHADC kiwa e NOC kulmar khlem da bichaar bniah wei kamjooh ya ka MSPCB kawa e ya ka CTE khlem da bichaar bniah wei lada pait kamni kini ki chnat krehkaam ym pu man ki kiwa biang wow kreh yei kaam nadooh u Dolloi, waheh chnong, JHADC wa ka MSPCB.
Da pyntip leh wa ka seiñ daw pynhær ko dei thoh cha kiwa haneiñ yow dawa pynsangeh ya katai ka karkhana Coke wei heijooh i por ka seiñ leh pyrchah ko ya kiwon kiwon ki Coke Plant hapoh ka thaaiñ, pynkut ka kyrwoh na u President ka seiñ, u Michal Chyrmang.
Discussion about this post