Ka sorkar Meghalaya kamwa da pynbna ko ya ka Chief Minister’s Scholarship Scheme (CMSS) 2025 kawa da wanrah u Chief Minister, u Conrad K. Sangma ha ka Dorbar Mang Tangka (Budget) 2025–26, u sdang wow khut pyndap yow yaleh ya kani ka Scholarship.
Kani ka Scholarship Scheme toh wow pynchlur u lai puræ cha ki kyrdan waheh khamtam ya ki khynnah ka Meghalaya hadien wa pyndep Class XI hadooh Ph.D. ha ki thaw puræ wa da tipmit hapoh wa cha baar jylla.
Samen kani ka Scholarship ym duna ko ya Rs. 6,000 chi snem ya kawa daw thap ha ki Account ki khynnah.
Ka CMSS toh kawa kyrpang khlem em kawon kawon ka Income Ceiling ya ka manyung ki khynnah kiwa na Meghalaya wow yoh myntoi ki.
Ye u pyndap du lyngba ka Online ha ka website https://meghalayaone.gov.in ka wow wai nadooh ka 1 tarik u Naikhynde 2025, yow pdiang ya ki kot ki sla.
Ki kot wa emkaam wow pynsakhiat wa toh kiwa sah ha Meghalaya toh kam ka MHIS Card, MGNREGS Job Card, EPIC næ PDS Card, ka Mark Sheet yong u snem wa dadep, i dur Passport-Size wa ka Certificate na ka thaw puræ.
U Conrad hawa e i klam da ong u wa i stat toh iwa emkaam bha ya ki khynroo khyllood wei lyngba ka Chief Minister’s Scholarship Scheme, daw ye u kyrriah yei eh i khor wa chem ki bru ka Meghalaya hawa lai puræ ki.
Ka Education Department kyntu ko ya ki khynnah wow pyndap pyrtuid Online nadooh ka 1 tarik u Naikhynde khnang wow ye ki u yoh myntoi.
Discussion about this post