Na ki 14,549 ngut kiwa yoh COVID-19 ha Nagaland ha uni u snem hadooh ka 16 tarik uni u bnai, da em 2,090 ngut kiwa dang lai puræ namo ki Students kiwa yoh ya uni u khñiang iwa man 14.36% na waroh kiwa yoh ha uni u 2021.
Ini da man ko chiboon chah hawa wyrchaw wa u 2020 heiwa da em 914 ngut kiwa dang lai puræ kiwa yoh ya uni u khñiang iwa man 7.66% na waroh 11,929 ngut kiwa yoh.
Kiwa dang lai puræ kiwa boon dooh kiwa dang yoh kiwa 339 ngut na ki 914 ngut toh kiwa em hapyrdi i rta 18-24 snem ha u 2020 katwa ha u 2021 won da em 860 ngut na ki 2090 ngut kiwa yoh kiwa em 11-17 snem i rta katkam ka yukheiñ ka chnat Health & Family Welfare, Nagaland.
Kiwa em won 4-10 snem i rta kiwa yoh da em ki 223 ngut ha u 2020 katwa ha 2021 da em 416 ngut.
Hawa kheiñ ya kiwa yap won, na ki 72 ngut kiwa yap ha u 2020, da em 3 ngut (3%) kiwa em 0-29 snem kiwa yap. Katwa ha u 2021 da em 12 ngut kiwa yap kiwa em 0-29 snem i rta na ki 421 ngut (3%) kiwa yap ha Nagaland hadooh ka 9 tarik uni u bnai.
Ini i pynbna ka sorkar man ko leh kam chibynta i pyrkhat wow wai biang ya ki skur wa kiwi ki thaw puræ.
Kam wow pynkynmoo wa ka Nagaland da em ko ha ka bynta wa khut Unlock 3 yow wai biang ya ka jylla kawa da pynbna ha ka 17 tarik uni u bnai heiwa da chah wow wai ya ki College wa ki thaw e sikai Skill Development nadooh ka 26 tarik uni u bnai heiwa ki wareh toh u man ki kiwa da dep chim tika deiwa bood thij ya ki kyndon yada.
Da chah leh wow wai ki Higher Secondary School nadooh ka Class XI hadooh Class XII nadooh ka 08-08-21.
Kiwa dang chah ktah ha u COVID-19 ha Nagaland kattæ da em ki 1149 ngut.
