Ka chnat puræ puthi ka jylla chirup wa ka National Law University, Meghalaya da pynman ko ya yalang wa ki Principal, kiwa sikai wa ki khynnah ka Higher Secondary School hapoh East Khasi Hills wa na kiwi ki District ha Yojana Bhavan, Main Secretariat Building, Shillong heiwa da emlang u Justice Sanjib Banerjee, Chief Justice, High Court of Meghalaya kam u kongsan wa ki High Court Judge u Justice H S Thangkhiew wa u Justice W Diengdoh kam kiwa chah khut sñiawbha.
U Justice Sanjib Banerjee da pyntip u wa ki Class namo Academic Session yong ka National Law University (NLU) u sdang ko na u Naiynñiaw uni u snem wei ki khynnah da ye ki wow pyndap pyrtuid online nadooh 21 Naitung ka wow kut won hadooh ka 21 Naisan wei ka Admission Test ha ka 28 Naisan katwa kiwa chah jied won u pynmih ha ka 9 Naiynru wei ki class u sdang ki nadooh 10 Naiynñiaw.
U Justice Banerjee da pyntip u leh wa ha ka Undergraduate daw pdiang 60 ngut ki khynnah heiwa 20 ha ka BA LLB, BBA LLB wa BS LLB Honours wei daw em 10 tylli ha ka Post-Graduate.
Da pyntip u leh wa ka bai puræ namo Fees ha ka Undergraduate wa Postgraduate daw rap toh i bar ya kiwi ki College wa ki skurbah.
Kani ka University katwa man ko kawa thymme daw riñ ko chiboon kiwa pyndap pyrtuid wei kam kani hi ka yalang daw pynman ha kylleiñ ka jylla.
Kiwi kiwa em ha kani ka yalang toh u Pravin Bakshi, Commissioner & Secretary, Education, u CVD Diengdoh, Secretary, Law & Legal Remembrancer & Parliamentary Affairs, wa kiwi kiwi.
