Nadooh u Popcorn chadooh ki kari wa dadep pynemkaam chah pynku dan GST

Ha ka 55^th GST Council Meeting wa da pynman ynnin, daw ku dor nadooh u Popcorn deiwa kheiñ kammon i jait wa da pynemkaam u pynkhreh wei wow song oo.

U Popcorn wa da khleh wei blooh wa kiwi ki musli musla kiwa pynman ya oo kam u “Namkeen” daw ngat ki 5% ka GST lada dai khlem song tangwa lada song wei da dai oo kam u Popcorn daw ngat 12% ka GST. U Caramel Popcorn wa kiwi wa sariem kam uni daw toh ki 18% ka GST.

Ka Council da pynhiar ko leh ya ka GST yong ki Fortified Rice Kernels (FRK) na 18% cha 5% khlem da kheiñ ha iwon i rukom wa da pynemkaam oo.

Neibynta ki kari won, ka GST Council da mynjur ko wow pynku ya ka GST yong ki kari warim kiwa dadep pynemkaam (Used Cars) wa kynthup ya ki kari Electric na 12% cha 18% manda dai da ki dukan, ki karkhana, ki Company. Kani ka dan thymme ym ktah ko manda ya dai hapyrdi ki bru samen wei u neh ko 12%.

Related posts

Ym burom ka Pakistan ya ka Cease Fire deiwa pteiñ hi yei jooh

May 10, 2025

Da ka that chah ieh hapoh doh ka manbei wa wan kha khon ha MCH Jowai

May 10, 2025

Heiyatoh wa ki Health & Life Insurance ym pu em chim ya ka rai yow pynkylla ya ka dan ki heiwa daw yaklam chooh chooh yeini.

Da em leh ka tyrwa tangwa ym pu em chim rai wow pynku ka dan ki jait dih (Cold Drinks), ki sikret, ki duma heiwa da tyrwa wow pynku cha 35% na ka 28% kawa katni. Kiwi de ki tyrwa wow pynku toh ya ka um wa da song, ki sula, ki Exercise Notebook. Ki that ki nep kiwa chongdor palat Rs. 1500 daw ngat ki 5% katwa kitu kiwa Rs. 1500 hadooh Rs. 10,000 ye ki wow ngat 18% wei kiwa palat Rs. 10,000 daw ngat ki 28%.

Sa kiwi kiwa da pyrkhat wow pynkylla toh neibynta ki juti wa chongdor palat Rs. 15,000 kamjooh ki waje kti kiwa chongdor palat Rs. 25,000 heiwa ka dan ki u man ko 28% ka GST. Ka um wa da song kawa palat 20 litre u kheiñ 5% katwa ki Bicycle kiwa chongdor hapoh Rs. 10,000 u ku na 5% cha 12% wei ya kini leh dang chong pyrkhat.