Jowai: Kam chibynta wow pteiñ ya ka program Swachh Bharat Mission ynne da pynman yei pynkhooid ya i pchem ka Jowai Police Station nadooh 10:30 hadooh 11:30 i step.
Ha ini i pynkhooid da embynta ki dkhot ki seiñ kamai kari ka ri-loom Jaiñtia wei da saam leh hadooh 1500 tylli ki Sticker wa em ki kyntien snien.
Ha kani ka sngi da yoh leh i klam na u B.C. Marak O/C ka Jowai PS, u Dy. SP ka District, u Q. Fancon, ka Rubella Mylliempdah, u Insp. D.I Pde I/C Jowai Traffic Police (JTP).
Waroh kiwa da klam da pynksan ki yei kordor i khooid i jngiar wow pynku ya ka rukom im ha ka imlang sahlang deiwa pynman ya ki luti ki synkeiñ kiwa khooid kamwa da angnood u Prime Minister ka ri India wow lehkmen ya ka lyngkhooh dap snem 150 u Mahatma Gandhi.
U Pde da kyntu u wow pynduna yei pynemkaam ya ki Plastic ha i rukom im wa man ka sngi wei da khana u leh ya ki kaam mon sñiawbha wa da eh da ka Jowai Traffic Branch hajrong i khooid i jngiar nadooh u 2013.
Discussion about this post