Ka chnat Puræ Puthi ka Meghalaya da pynbna ko wa nadooh u snem puræ 2026-27 kiwa yaleh ya ka SSLC hap ki wow Pass ya waroh 6 tylli ki Subject wei kani man ko neibynta kiwa puræ Class-8 chapoh kattæ. Tangwa ym ktah ko ya kitu kiwa daw yaleh ya ka SSLC neibynta u snem 2024-25 wa 2025-26 næ ya kitu kiwa hap yaleh ya ki Subject wa Fail ki kiwa hap u yaleh ki ha u snem 2026-27 wa ki snem wa hadien ini.
Kam wow pynknymoo wa ka sorkar da rai ko wa ka MBOSE u pynman ko ya ka SSLC Exam ar sien ha uwi u snem puræ kawa chisien toh ka Main Exam wei kawi won ka Supplementary Exam.
Ka Supplementary Exam toh neibynta kitu ki khynnah wa Fail ya kawon kawon ka Subject ha ka Main Exam.
Kiwon kiwon kiwa Fail Subject daw yoh bait ki wow yaleh ya ka Supplementary Exam wei ym em kheiñ katwon tylli ki Subject wa Fail ki.
Neibynta uni u snem 2024-25, ya ka Main SSLC Exam u pynman ha ka tayaaw wa nyngkong u Feb 2025 heiwa ya ki tarik daw pynbna won. Ka tarik ka Supplementary Exam daw pynbna da ka MBOSE hadien wa pynbna tarik ya ka Result ka Main Exam wei kani ka Supplementary Exam daw pynman ha u bnai March heiwa ya ki tarik daw pynbna manda toh i por.
Discussion about this post