U Union Minister of State (Independent Charge) Development of North Eastern Region (DoNER), MoS PMO, Personnel, Public Grievances, Pensions, Atomic Energy and Space, u Dr. Jitendra Singh da ong u wa u COVID-19 da wanrah u yei ka-it wei thrang ki bru wow tip chooh chooh chaphang ka Yoga, Ayurveda wa Naturopathy yow pynkhlan yei doh i pran ki bru wow yaleh pyrchah yei kjut khamtam ki bru wa kwah wow im dei chait i khiah. Ya ini da ong u hawa klam wai phang haka Global Ayush Mela wa pynman daka ASSOCHAM, deiwa ong leh wa ha kini ki 4-5 bnai, ki ri sepsngi da kyruiñ ki cha ka India yow thooh da kiwi ki laad rukom sumaar (Alternate Medicine).
U Dr. Jitendra Singh da ong u wa nadooh wa chimkti u Narendra Modi kam u Prime Minister ka India, da wanrah u chakhmat yei stat u warim heiyatoh wow e dawai (Indigenous system of medical management). Da ong u leh wa u Modi da wanrah u yaka rai hakhmat ka United Nations yow booh yaka sngi wa kyrpang kawa tip kam ka International Day of Yoga, iwa da wanrah yaka Yoga cha waroh ki thlu yung ka pyrthai. Chooh chooh da ong u wa u Modi da chna u leh yaka Ministry of AYUSH yow pynchlur yei pynemkaam i rukom sumaar tynre.
U Union Minister da ong u leh wa ki thaw wa em ki loom Himalaya kamjooh ka thaaiñ North East toh kawa em boon bha ki dawai kynbat wei emkaam wow pynpawnaam ya ki.
U Secretary ka Ministry of AYUSH u Rajesh Kotecha da ong u wa ka sorkar da pyrkhat ko wow rep da ka hi yaki phlang kiwa ye u pynman dawai ha i thaw wa heh 10 lak Hectare hei dor wa T. 4,000 klur hapoh ka Mission Atmanirbhar Bharat.
