U Waheh Chnong ka chnong Hingaria, Elaka Rymbai East Jaiñtia Hills District, dei mynsien wa sñiawkhia da pynsñiaw u ha ki laad pathai khubor yei wym chimkhia ki bor sorkar wow phah ya kiwon kiwon ki laad yarap ya ka skur Lower Primary School Hingaria kawa da chah khyndang ha ka laær wa joor bha iwa da jia nadooh ka 24-10-22 heipor wa wan ka Cyclone Sitrang.
Da pyntip u wa mar ya jia ini, da lai ki cha ka yung krehkaam u Deputy Commissioner, East Jaiñtia Hills District deiwa e lang dei thoh yow kyrpaad wow pynyoh yarap yow pynchna ya kani ka skur ka chnong kawa emkaam hadooh kattæ kattæ ya ka chnong khnang wow yoh u pynman skur biang neibhah kattu da jan toh por wow man skur ki khynnah.
Chooh chooh da ong wa neiliang ka yung krehkaam ka SDEO East Jaiñtia Hills District da dep phah bru ko wow lai pait lai sylli ya kani ka yung skur tangwa sñiawphylla won wa ileh won wym pu ye u phah ya iwon iwon i yarap khnang wow yoh u chna biang ya kani ka yung skur kamwa jooh man.
Kani ka yung skur toh kawa pynman leh kam ka Polling Station yong ka Hingaria kamtæ lada ka sorkar ym ye ko wow phah smat yei yarap daw booh ko hei eh ya ki paidbah wa thap Vote.
Neiliang u Waheh Chnong sa chisien da booh u yei kyrpaad ya ki bor sorkar wow sñiawbha ki wow phah smat yei yarap khnang wow man i i myntoi ya ki khynnah skur ka chnong Hingaria, pynkut ka Wyrta na u Thepmon Khonglah, Waheh Chnong Hingaria.
