Ki paidbah dei chrai da noh ki ya ar tylli ki Scooty najrong ka Flyover ha Bengaluru neidaw wa leh Stunt ki ha u sarok wa boon kari.
Ini da jia i ha ka 15 tarik uni u bnai heipor wa ki kattu katni ngut da leh Stunt ki ha ka Flyover ha Nelamangala hajan Bengaluru da ki Scooty.
Ki paidbah nei chrai hajrong ini i leh Stunt kini ki bru iwa da pynthut yei lai i wan ki kari, da noh ki ya kini ki Scooty najrong ka Flyover wei kini ki bru da yut ki na ini i thaw.
Ki pulit da pyntip ki wa hawa poi ki ha ini i thaw da chem ki ya ar tylli ki Scooty wa da sih wa em ha sarok wei nyngkong da yang ki yow em kiwa wan e FIR wei ki tre kini ki Scooty leh ym em wan ki.
Ki pulit da tip ki yeini wa jia hadien wa poor ini i Video wei neiliang yong ki da phah ki wow wan hajir ki tre kini ki Scooty kiwa na Matikera wa na Yeshwanthapura, North Bengaluru wei katkam ka takit da chem wa waroh da em soo tylli ki ar chaka kiwa leh Stunt kiwa chimbynta da 8 ngut ki khynroo.
Discussion about this post