Ka Shillong Lajong kawa da yoh biang u psiah cha ka I-League neibynta ka samoi 2023/24 hadien 4 snem deiwa yoh wa ar ha Second Division ka I-League. Da sdang ko ya kani ka samoi pyrchah ya ka Mohammedan SC kawa na Kolkata wei da kut ka yalehke da 1-1 ha Naihati Bankimanjali Stadium, West Bengal ha ka 3 tarik wei kattu daw sdang ya ka yalehke ha Shillong pyrchah ya ka Neroca FC kawa na Manipur ha ka 9 tarik heipor 2:00 waje i sngi ha SSA Stadium, Shillong.
Ha kani ka samoi kiwa yalehke ka Lajong em ko da kiwa dang khynroo deilang wa kiwa da ih bha kiwa da liwan biang cha ka Cluba deilang wa 4 ngut kiwa yalehke kiwa na baar ri heiwa ar ngut toh kiwa na Brazil wa kynthup ya u Daniel Goncalves kam u Centre Back wa u Renan Paulino kam u Midfielder deilang wa ar ngut ki Forward kitæ u Abdou Karim Samb uwa na Senegal wa u Takuto Miki uwa na Japan.
Hei sien wa nyngkong i parom ka Shillong Lajong, da em ko leh 21 ngut kiwa yalehke kiwa napoh ka jylla hi kiwa kynthup ya u Hardy Cliff Nongbri, u Phrangki Buam, u Kenstar Kharshong, u Kynsailang Khongsit, u Allen Camper Lyngdoh Nongbri, u Damaitphang Lyngdoh, u Atlanson Kharmaw, u Gladdy Nelcen Kharbuli, u Iohborlang Lyngdoh Lyngkhoi, u Ronney Willson Kharbudon, u Henryford Nongneng, u Saveme Tariang, u Figo Syndai, u Batskhemlang Thangkhiew, u Sangti Janai Shianglong, u Hamedamanbha Wahlang, u Ronaldkydon Lyngdoh Nonglait, u Wadajied Kynsai Ryngkhlem, u Everbrightson Sana Mylliempdah, u Kynsaibor Lhuid wa u Shano Tariang.
Em leh kiwa yalehke kiwa da heh da san hapoh ka Club hi wei kattu da yoh ki wow yalehke hapoh ka I-League wei da hiar madan ki hei sien nyngkong pyrchah yaka Mohammedan SC wa kynthup ya u Ronney Willson Kharbudon, u Damaitphang Lyngdoh, u Sangti Janai Shianglong, u Kynsaibor Lhuid wa u Shano Tariang.
Ha kani ka samoi, ka Lajong daw yalehke ko 8 sien ha Shillong ha uni u bnai wa u bnai wow wan.
Ki Ticket neibynta ki yalehke pyrchah yaka Neroca FC daw sdang wow dai nadooh myntu ka sngi ha The Electronic Centre, Police Bazaar, ha Cafe Shillong, Laitumkhrah wa ha SSA Ticket Counter.
Discussion about this post