Najrong wa sih sarok sei kit palatpood wei khlem Challan deiwa su Rs.80,000

Kiwa chong chnong ka Rattacherra da pyntip ki wa ka NHAI nadooh ka 5 tarik u September 2025 da pynlai ko ya ki kari na i thaw u bru samen uwa tip kam u Nath Sinh deiwa booh ya ka Diversion wa jrong kamwa 70 meter yow yoh laad ko wow pynchna ya u sarok NH-6 tangwa ym em dep u pynchna hadooh kattæ.

Da pyntip wa i bynta wa lai ki kari na i thaw u bru samen leh da man i iwa da sih bha wei da chem leh ya kawi ka Truck wa kit 60 Ton u mooyong deilang ki Truck Dumper kiwa kit 40 Ton kiwa klem ki kot ki sla kam ka Challan tangwa da su bait ki Rs. 80,000.

Ki Dumper won kiwa kit ya u moorasong manda poi ha ka Weighbridge da lai ki klem da thaw khia deiwa su Rs. 1200 klem Receipt.

Related posts

Sñiawkhia ka KSU yeiwa pynemkaam kiwa chong chnong ka Mutong da ki siej yow taan bordiñ cha ki yung ki sem

February 1, 2026

Daw thied thaw chooh lada emkaam wow pynheh ya ka Shillong Airport: Sniawbhalang

February 1, 2026

Ha ka Check Gate ka JHADC won kini ki Dumper wa kit palatpood ya u moorasong da su ki Rs. 800 khlem ka Receipt næ ka Fine.

Kiwa chong chnong da kyntu ki leh ya ki Truck wa kit mooyong wa u moochuni wym toh u chim Pass ki najrong wa kit palatpood ki weiwa u sarok leh man u uwa dang sih wei ini da wanrah i yei sahkut kari hadooh 4-5 kynta ha ka chi sngi.