Shillong: U Montri wa pait ya ka chnat i chait i khiah ha ka jylla, u Alexander Laloo Hek da ong u wa em 43 ngut na Meghalaya kiwa lai baam khawai bia ha Greenwood Resort iwa em ha Khanapara, Assam.
Katkam wa ong u Hek em ar ngut kiwa mih tam wa paw toh kiwa na Ribhoi District.
Waroh chi katte ka sorkar da pynbna ko wa em du 41 ngut na ka jylla wa lai cha kani ka bia kawa da man ha ka 27 Naiynñiaw wei toh kiwa na East Khasi Hills.
Heiyatoh wa ynne ka sngi hajrong i wiar ki 6 ngut ha ka ujor da ka Deputy Commissioner ka East Khasi Hills, u Hek da ong u wa ym du 41 ngut kiwa lai baam bia, tangwa em sa 2 ngut na Ribhoi District deiwa pynrap boi ka DC ympu ujor pyrchah ya ki toh neidaw wympu dep ya ka takit da ka DC.
Kam wow kdaw heini u Superintendent of Police (SP) ka East Khasi Hills District, u Sylvester Nongtnger da ong u wa ka chnat pulit da yoh pdiang ko ya ka ujor (FIR) na ka Deputy Commissioner pyrchah ya kitu kiwa lai baam khawai bia ha Greenwood Resort ha Khanapara, Assam, tangwa da ujor du ya ki 35 ngut na ki 41 ngut.
