Ka Khasi Student’s Union (KSU) da lai pynkynmoo ko cha ka Executive Committee wa thymme yong ka Khasi Hills Autonomous District Council wa la man katwa man ymtoh u chah ya ka sorkar India lyngba ka UCIL wow tih ya u Uranium na kani ka jylla.
U President ka KSU, u Lambokstarwell Marngar da ong u wa i khang yong ka UCIL ya ka yung krehkaam yong ka ha kani ka jylla nadooh u snem 2018 toh wow pynbiej donhi, tangwa ka sorkar India napoh napoh pyrchang ko wow thooh ki laad kammon wow yoh tih Uranium na Meghalaya.
Da ong u wa i pyrchang yong ka sorkar India wow yoh tih ya u Uranium toh iwa napoh napoh, deiwa phah yasyllok wa ki tre thaw, wei wa ka KSU pynkynmoo ki wa chisien wa da ong ohoh tæ ohoh ya u tih Uranium na kani ka jylla.
