Kam chibynta yong ka 14th National Voters Day, ka yung krehkaam u Deputy Commissioner Election Branch, West Jaiñtia Hills District ynne da e ko ya ki Voters ID Card namo ki EPIC thymme ya kiwa dang yoh wot u thap Vote ha ka yalang wa man ha pchem ka Election Branch, Jowai.
Waroh da em 49 ngut kiwa da chah jied wow pdiang ya ki EPIC na ki soo Constituency kiwa kynthup yaka 1-Nartiang, 2-Jowai, 3-Raliang wa 4-Mowkaiaw kiwa da chah pynkup burom leh ha kani ka yalang.
Ka phang yong kani ka sngi toh kawa ong, “Nothing like voting, I vote for Sure”.
Ha kani ka yalang da em u Deputy Commissioner, u B.S. Sohliya, ka Additional Deputy Commissioner, ka B.Blah, u ADC, u F.B. Basan, ka ADC, ka HML Kynta, ka ADC, ka DV Lyngdoh, u Assistant Commissioner, u S. Phanbuh wa u Assistant Commissioner, u WK Kharbuli.
U Deputy Commissioner uwa man leh u District Election Officer da kyntu u ya waroh kiwa thap Vote wow chimbynta ki haka Election Lok Sabha deiwa ban joor hajrong ka phang kani ka sngi kawa ong ym em de kam ka thap Vote wei daw lai thap Vote tikna.
Da kyrpaad u leh ya i krehlang ki Dorbar Chnong neibynta ka Lok Sabha Election wei wow man kiwa em i kitkhlieh.
Heijooh i por da kyntu u wow yait na ki khubor thok, khubor kyndeh wei lada em iwa artatien wow pyntikna ki ya ki khubor deiwa kylli na ki bor District yow lait nei sñiawthooh bakla.
Da e khublei u leh ya ki District Icon, ki Chi Iung wa pynche paidbah ki ya i thap Vote lyngba ka Channel yong ki.
Ka B. Blah da khana ko yei kordor kani ka sngi heiwa da batai ko leh yaka thong wa lehwarom ya kani ka sngi wei da pynchlur ko wow mih chakhmat yow jied ya kiwa mihkhmat. Da pyntip ko leh wa ya kani ka sngi da lehwarom ha ki 230 tylli ki Polling Station yong ki soo Assembly Constituency wei da saam leh ya ki Voter ID cha kiwa dang yoh u thap Vote thymme.
Da pynchlur ko leh ya kiwa dang yoh wot u thap Vote wow chimbynta ki haka Lok Sabha Election ka wow wan deiwa pyntip ha waroh ki soo Constituency wa em 1,66,728 ngut kiwa thap Vote.
Chwa ini hei step ka Deputy Commissioner Election Branch da pynman ko ya i yakob dro dur neibynta ki bru wa kyrpang hajrong ka phang ‘Election and Voting’ ha Conference Room u DC Office, Jowai. Neitæ ka Cycle Rally leh da pynman yaka da u District Sports Officer wei ya kani ka Rally da kaweh lama ya ka da u SP u C. Syrti, na Kiang Nangbah Stadium, Ladthadlaboh.
Ya ka yalang da pynlai da u WK Kharbuli, Assistant Commissioner, Jowai katwa ki kyntien khublei da yoh na u F.B Basan, Additional Deputy Commissioner, Jowai.
Discussion about this post