Kiwa dang yoh COVID-19 ha Meghalaya da neh ki hapoh 200 ngut la le sngi wei da boon ki ya kiwa dang chait la ar sngi deiwa em biang palat 100 ngut kiwa dang yoh ha East Khasi Hills hadien ar sngi.
Kiwa dang yoh ynne ka 20 tarik da em ki 174 ngut, kiwa dang chait 168 ngut wa 1 wa yap (wym pu em yoh tika) na West Jaiñtia Hills.
Na kiwa dang yoh kiwa boon dooh toh ha East Khasi Hills (110), West Jaiñtia Hills (23), West Khasi Hills (19) wa ha Ri-Bhoi (13) katwa ha kiwi ki District kiwa dang yoh da em ki hapoh 5 ngut.
Kiwa duna dooh kiwa dang yoh toh ha East Garo Hills (00), North Garo Hills (00), South West Garo Hills (00), South Garo Hills (01), South West Khasi Hills (02), West Garo Hills (02) wa ha East Jaiñtia Hills (04).
Ki District wa duna dooh kiwa dang chah ktah toh ha South Garo Hills (03), North Garo Hills (08), South West Garo Hills (09), East Garo Hills (11) wa ha East Jaiñtia Hills (21).
Ki District wa boon dooh kiwa dang chah ktah toh ha East Khasi Hills (858), West Khasi Hills (365), West Jaiñtia Hills (324) wa ha Ri-Bhoi (160).
Waroh kiwa da chait da em ki 95.88% kiwa em 76,391 ngut, kiwa dang chah ktah da em ki 2.37% kiwa em 1896 ngut, kiwa yap 1.73% kiwa em 1380 ngut, deilang dapoi 79,667 ngut kiwa da dep yoh ya uni u khñiang hapoh ka jylla.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
