Neh kiwa dang yoh COVID-19 katjooh nadooh i step ha Meghalaya

Ha kini ki 14 kynta nadooh 11 waje i miet ynnin hadooh 1 waje ynne ka sngi ym em de wa yoh thymme ya u COVID-19 palat ya kiwa da pynbna chwa ynne i step kiwa em 20 ngut kiwa yoh wa 5 ngut kiwa da chait.  

Kiwa dang yoh toh kiwa na East Khasi Hills 19 ngut wa na South Garo Hills 1.

Na kiwa dang yoh thymme uwi toh u Doctor ka Bethany, em arngut kiwa chitom Severe Acute Respiratory Infection (SARI) kiwa ha Bethany Hospital, kiwi ki dang yoh toh 1 wakreh ha RP Chest Hospital Shillong, 1 na NEIGRIHMS, 1 wa yabi na u payu wa liwan haka 23 tarik uni u bnai katwa na South Garo Hills toh wa liwan na Bangalore.

Heiyatoh wa ki Containment Area, u DHS (MI) u Dr. A. War da pyntip u wa ym pu em pyndam lut wei da pynkhian yaki yow man noh ki kam ki Micro Containment Area yow lait wow ktah yaki paidbah wa kiwa em yatoh wa kiwa yoh COVID-19.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heiyatoh won wow pdiang biang ya kiwa liwan na baar jylla, da pyntip u wa da pynkhreh chooh yaki bru neibynta wow leh yaka Antigen Test wei ym tharai u wa daw boon kiwa daw liwan. Deiwa pyntip leh wa kiwa liwan hadooh kattæ da em ki 24198 ngut.

Heiyatoh won yei yabhah yaka jylla ha ki 71 tylli ki Cluster da pyntip wa da em ha East Garo Hills 4 tylli, East Khasi Hills 22 tylli, West Jaiñtia Hills 5 tylli, East Jaiñtia Hills 7 tylli, Ri Bhoi 8 tylli, South Garo Hills 4 tylli, South West Khasi Hills 1, West Garo Hills 10 tylli, South West Garo Hills 5 tylli, ha West Khasi Hills 2 tylli wa ha North Garo Hills 3.

Heiyatoh won wa i yap u pulit hapoh Quarantine Centre (uwa yachem wa uwa yoh COVID-19) da dep wow Test ya oo wei ym toh uwa yoh COVID-19 wei da khlaad u na kiwi ki chitom. Ya uwa yoh COVID-19 uwa yachem uni u pulit da kit cha Corona Care Centre neidaw wa chitom u.

Ha iwi tawan i liang, ki Sample wa da dep wow phah Test da em ki 36859 tylli heiwa kiwa man Negative da em ki 35569 tylli wei dang yang yaka Result ki 467 tylli.

Kiwa dang em ya u COVID-19 hapoh ka jylla dang em hi ki 603 ngut heiwa ki bru paidbah da em ki 300 ngut wa 303 ngut ki bru chipai wa kynthup ya ki BSF. Kiwa da chait da em ki 215 ngut.