Kiwa dang yoh COVID-19 da boon biang ki ya kiwa chait hadien chi sngi ha Meghalaya tangwa kiwa dang yoh da neh ki hapoh 200 ngut la 6 sngi wei ym em leh wa yap ynne ka sngi.
Kiwa dang yoh ynne ka 1 tarik da em ki 155 ngut, kiwa dang chait 108 ngut heiwa kiwa dang yoh kiwa boon dooh toh ha East Khasi Hills (90), West Jaiñtia Hills (27) wa ha West Khasi Hills (26) katwa ha kiwi ki District kiwa dang yoh da em ki hapoh 5 ngut.
Kiwa duna dooh kiwa dang yoh toh ha East Garo Hills (00), East Jaiñtia Hills (00), North Garo Hills (00), South Garo Hills (01), South West Garo Hills (02), Ri-Bhoi (03), South West Khasi Hills (03) wa ha West Garo Hills (03).
Kiwa dang chait kiwa boon dooh toh ha East Khasi Hills (68) wa ha West Khasi Hills (20).
Ki District wa boon dooh kiwa dang chah ktah toh ha East Khasi Hills (805), West Khasi Hills (399), West Jaiñtia Hills (186) wa ha Ri-Bhoi (179).
Ki District wa duna dooh kiwa dang chah ktah toh ha South Garo Hills (01), North Garo Hills (03), East Garo Hills (04), South West Garo Hills (06), East Jaiñtia Hills (16) wa ha West Garo Hills (28).
Waroh kiwa da chait da em ki 96.23% kiwa em 78,375 ngut, kiwa dang chah ktah da em ki 2.04% kiwa em 1666 ngut, kiwa yap 1.72% kiwa em 1404 ngut, deilang dapoi 81,445 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla, da dep wow e la 15,50,608 sien heiwa ynne ka sngi da e 7165 ngut wa kynthup ya ki HCW 40 ngut, ki FLW 180 ngut, kiwa 18 snem chaneiñ 5988 ngut wa kiwa 45 snem chaneiñ 957 ngut.
Waroh kiwa da yoh tika chisien da em ki 10,72,774 ngut wa 4,77,834 ngut kiwa da yoh la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
