Kiwa dang yoh COVID-19 ha Meghalaya da neh ki hapoh 50 ngut la 6 sngi, hapoh 100 ngut la 30 sngi wa hapoh 200 ngut la 46 sngi heiwa kiwa chait da boon biang ki ya kiwa dang yoh la ar sngi iwa da pynpoi ya kiwa da chait wow em ki waroh palat 82,000 ngut
Kiwa dang yoh ynne ka 7 tarik da em ki 36 ngut, kiwa chait 49 ngut wa 1 wa yap (wym pu em yoh tika) ha East Jaiñtia Hills.
Na kiwa dang yoh kiwa boon dooh toh ha East Khasi Hills (26), West Khasi Hills (04), West Garo Hills (03) Ri-Bhoi (02) wa ha East Jaiñtia Hills (01) katwa ha kiwi ki District ym em kiwa dang yoh.
Na kiwa dang chait kiwa boon dooh toh ha East Khasi Hills (32) wa ha West Khasi Hills (11).
Ki District wa boon dooh kiwa dang chah ktah toh ha East Khasi Hills (257), West Khasi Hills (30), West Garo Hills (25), Ri-Bhoi (19) wa ha West Jaiñtia Hills (12).
Ki District wa duna dooh kiwa dang chah ktah toh ha South Garo Hills (00), South West Garo Hills (02), North Garo Hills (03), East Jaiñtia Hills (05), South West Khasi Hills (05) wa ha East Garo Hills (05).
Waroh kiwa da chait da em ki 97.82% kiwa em 82,042 ngut, kiwa dang chah ktah da em ki 0.43% kiwa em 363 ngut, kiwa yap 1.73% kiwa em 1458 ngut, deilang dapoi 83,863 ngut kiwa da dep yoh ya uni u khñiang hapoh ka jylla.
Kawa dang yap toh ka Meris Tariang (70 snem) kawa na Rymbai Iawpynsing, EJ Hills kawa da li booh ha ka 05-11-2021 cha Nazareth Hospital, Shillong tangwa da kit ya ka hei step ka 06-11-2021 yow lai cha Guwahati yow yoh yei sumaar tangwa da khlaad ha luti ha ka jooh ka sngi heipor 11:00 waje i step wei man ko leh kawa yoh COVID-19 wei kawa em leh kiwi de ki kjut.
Heiyatoh wa i e tika hapoh ka jylla, da dep wow e la 17,92,363 sien heiwa ynne ka sngi da e 32 sien wa kynthup ya ki HCW (00), ki FLW (01), kiwa 18 snem chaneiñ (27) wa kiwa 45 snem chaneiñ (04). Kiwa dang yoh tika ynne toh 3 ngut kiwa yoh yei sien wa nyngkong wa 29 ngut kiwa yoh yei sien wa ar.
Waroh kiwa da yoh tika chisien da em ki 11,12,925 ngut wa 6,79,438 ngut kiwa yoh la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
