Kiwa yoh COVID-19 ha Meghalaya da neh ki hapoh 50 ngut la san sngi, hapoh 100 ngut la 12 sngi, kiwa chait leh dang boon ki ya kiwa dang yoh la 24 sngi wei ym em kiwa yap hadien ar sngi.
Kiwa dang yoh ynne ka 23 tarik da em ki 25 ngut katwa kiwa chait da em ki 66 ngut.
Ynne ym em kawi leh ka District wa em palat 10 ngut kiwa dang yoh kiwa boon dooh ha East Khasi Hills (08) katwa ha kiwi ki District da em ki hapoh 5 ngut wei ym em kiwa dang yoh ha East Garo Hills, Eastern West Khasi Hills, South Garo Hills wa ha South West Khasi Hills.
Kiwa dang chait kiwa boon dooh toh ha East Khasi Hills (28) wa ha West Jaiñtia Hills (13).
I rukom em kiwa dang chah ktah ha ki District man i kamni:
East Khasi Hills (87), West Garo Hills (38), West Jaiñtia Hills (26), Ri-Bhoi (27), North Garo Hills (15), South West Garo Hills (15), East Jaiñtia Hills (11), Eastern West Khasi Hills (11), West Khasi Hills (09), East Garo Hills (05), South West Khasi Hills (05) wa ha South Garo Hills (01).
Waroh kiwa da chait da em ki 98.04% kiwa em 91,548 ngut, kiwa dang chah ktah 0.26% kiwa em 250 ngut, kiwa yap 1.68% kiwa em 1573 ngut, deilang dapoi 93,371 ngut kiwa da dep yoh ya uni u khñiang hapoh ka jylla.
Kiwa dang yoh, kiwa dang chait, kiwa dang chah ktah, kiwa thiah Hospital wa kiwi kiwi man ki kamni ha wah:
