Uwi u khynroo da dooh u yei mynsien u heipor wa chna Reel hadien wym yoo wei ym em sñiaw u yei wan ka rel wa yooh oo hadooh wa yap u.
Ini da jia i ha Sabira Railway Station ka jylla Odisha ynnin ka sngi heipor kamwa 4:00 waje i sngi wei uni uwa da khlaad toh uwa tip kam u Akshay Patra uwa naka chnong Banitia wa em hapoh ka Bhadrak District uwa kreh wa kawi ka Jatra Party kawa man kam ki seiñ wa lai na kawi ka chnong cha kawi yow pynwyrngia paidbah.
Da chna u ya kani ka Reel kam chibynta wow pyntip paidbah ya ki por wa pynman ki ya ki yalehke deilang wa ki lok u heiwa da wan ka Neelachal Express kawa da tyrrah oo nadien u wei ki lok u yut wot ki na ini i thaw wei da suba leh ye u man ki wa pynchlur ya oo wow leh yeini.
Ki bru wa yoo yeini wa jia da ong ki wa uni u khynroo deiñ Headphone u heipor wa jia ini wei ye u man i daw wym sñiaw u ka kani ka rel kawa da pynkieh Horn tangwa da neh bait u haka luti rel deiwa pyrchang u pynyoo hadooh katwon chlur u.
Neilang ki pulit da kyntu ki ya ki paidbah wow man ki kiwa syndong hawa pynemkaam ki ya ka Phone heiwa ini wa dep da em kawi ka kynthai wa haap naka Ferris Wheel heipor wa chna Reel ko.
Discussion about this post