Nei Fail chei 1st Division yoh kiwa yaleh HSSLC hadien wa phah leh Re-Evaluation

8 ngut kiwa yaleh ya ka HSSLC Exam 2024 ha ka Science Stream da yoh ki wow ku kyrdan wei na kini da em leh soo ngut kiwa da yoh u psiah chapoh ka Top 10 hadien wa leh ya ka Re-evaluation namo wow kheiñ deiwi ya iwa thoh ki ha ka Exam.

Ha ka Commerce Stream da em 4 ngut kiwa yoh u ku kyrdan heiwa na kini 3 ngut toh kiwa Fail tangwa hadien wa leh ya ka Re-Evaluation, ar ngut da ku cha ka 2^nd Division katwa uwi da ku cha ka 1^st Division wei da em leh kawi ka wym em Fail kawa na St. Anthony’s HSS Shillong da yoh ko wow psiah ha ka kyrdan 10^th Position.

Kini kiwa Fail toh kiwa na Tirot Sing Memorial College, Mairang heiwa kawi da yoh noh ko u cha ka 2^nd Division katwa uwi won da yoh da ku cha ka 1^st Division, sa uwi uwa Fail wei da ku cha ka 2^nd Division toh uwa na Seven Set Annexe HSS, Shillong.

Ha ka Science Stream da em 3 ngut kiwa da yoh u ku cha ka 9^th Position kitæ u Arghadeep Ghosh na ka Don Bosco College (Hr. Sec. Section), ka Balarisuk Myria na St. Edmund’s HSS, Shillong, u Debdeep Chanda na Laban Bengalee Boys’ HSS, Shillong katwa u Aniket Pattanayak na Laban Bengalee Boys’ HSS da ku u cha ka 3^rd Position.