I sih sarok boon i por da wanrah i yei dooh mynsien wa kordor yong ki bru kamjooh yei mynsoo tangwa ha iwi i jia da pynim i ya uwi u bru wa yap wa kit hapoh kawi ka Ambulance iwa da jia ha Kolhapur, Maharashtra.
Uni u bru wa tip kam u Pandurang Tatya Ulpe uwa em 65 snem i rta da yoh Heart Attack u ha u ka 16 tarik u Kmaichonglad (Dec) 2024 heiwa da lai booh ya oo cha Hospital wa em ha Gangavesh hadien wa syuiñ wei oor u syndet syndet ha yung wa sah u.
Neiliang ki Doctor hadien wym ye de wow sumaar ya uni u bru, da pyntip ki wa da khlaad noh u heiwa kiwa ha-yung ha-sem da pynkit noh ki oo yow pyndep ya ka niam ka rukom.
Yei metyap da kit da kawi ka Ambulance wei heipor wa lai luti da toh yooh ha iwi i thlu wa yillu iwa da pynkinthih ya ka kari wei hapoh ka Ambulance da emlang ka kurim wa kiwi de kiwa da yoo wa sdang khih ki pariam kti u Pandurang, kamtæ da dong biang cha Hospital wei da ye u leh wow hiar dei bor yong oo hi napoh ka Ambulance yow psiah chapoh Hospital.
Kamtæ da sumaar biang ya oo hapoh ka Hospital wei hawa sdang uni u snem thymme da yoh u wow liwan yung heiwa da pdiang sñiawbha ya oo da ki syntu wa ka lehniam deiwa e ngooh ya u Blai.
Discussion about this post